Categories
Fisk í dag Uppskrift

Uppskriftir

8.þáttur – Silungatartar

Hraefnismynd_Silungatartar
Hráefni:
2 silungsflök
3 cm biti ferskur engifer
1 cm biti piparrót
1 rautt chili
8 graslaukar
Safi úr einni límónu
2 msk ristuð sesamfræ
Salt og pipar

Aðferð:
1. Hreinsið og skerið silunginn í litla bita.
2. Rífið engifer og piparrót  yfir fiskinn.
3. Saxið chili og skerið graslauk og bætið saman við fiskinn.
4. Saltið, piprið og bætið límónusafanum í.
5. Bætið sesamfræjum saman við og blandið vel saman, stráið síðan örlítlu af sesamfræjunum yfir.

lokadiskar.Sub.07

7.þáttur – Skötuselur með soba núðlum

Hraefnismynd-skötuselur með sobanúðlum

Hráefni:
1 pk, um 400 gr sobanúðlur eða aðrar núðlur
4 msk sesamolía
500 g skötuselur
repjuolía til steikingar
salt og pipar
1 msk fínt rifinn engifer
5 msk sataysósa
4 stönglar dill

1. Setjið núðlurnar  í sjóðandi saltað vatn og bætið 1 msk sesamolíu í. Sjóðið í um 2 mínútur og sigtið.
2. Skerið skötuselinn í litla bita og steikið á pönnu i blandi af sesamolíu og repjuolíu. Saltið og piprið og bætið engifer út á pönnuna.
3. Steikið skötuselinn í um 2 mínútur, bætið semsamfræjum út í.
4. Bætið sataysósu út á pönnuna ásamt gróft rifnu dilli og blandið öllu varlega saman.

Skötuselur með soba nuðlum
6.þáttur – Tortillaþorskur með tikka masala sósu

Hraefnismynd -þorskur í tikka

Hráefni:
900 g þorskur
Salt og pipar
200 g tikka masala sósa
4 tortillakökur
180 g sýrður rjómi
1  agúrka eða kúrbítur
4 stökk salatblöð

Aðferð:
1. Skerið þorskflakið í bita og steikið á pönnu.
2. Saltið og piprið þorskinn.
3. Hellið tikka masala sósu yfir fiskinn.
4. Látið malla í um 2 mínútur á pönnnni.
5. Smyrjið sýrðum rjóma á tortillakökurnar.
6. Setjið fiskinn á tortilluna.
7. Skerið agúrkuna í bita og setjið ofan á fiskinn ásamt salatblaði og rúllið upp.

thorskur i tikka _

5.þáttur – Saltfiskpizza
Hraefnismynd-pizza

Hráefni:
Pizzubotn (sjá uppskrift hér fyrir neðan)
Pizzusósa (sjá uppskrift hér fyrir neðan)
250 g útvatnaður saltfiskur
1 mozzarellakúla
125 g rifinn mozzarellaostur
2 msk  söxuð steinselja
Hvítlauksolía

Aðferð:
1. Fletjið út pizzudeig, bakið í um 5 mín. við 200°C, takið út úr ofninum og kælið aðeins.
2. Smyrjið sósunni yfir botninn.
3. Skerið saltfiskinn í sneiðar og dreifið á pizzuna.
4. Myljið mozzarellakúluna gróft og stráið yfir ásamt rifnum osti.
5. Bakið í um 200°C í um 15 mín eða þar til osturinn er bráðnaður.
6. Stráið saxaðri steinselju yfir.
7. Hellið hvítlauksolíu yfir eftir smekk.

Pizzubotn:
Hráefni:
200 g hveiti
50 g  rúgmjöl
6 g þurrger
1 tsk hunang
1½ tsk salt
Vatn
Aðferð:
1. Blandið saman öllu hráefninu í pizzubotninn og hnoðið vel.
2. Látið hefast í 30 – 40 mínútur. Gott er að gera pizzusósuna á meðan.

Pizzusósa:
Hráefni:
2 hvítlauksgeirar
200 g niðursoðnir tómatar
1 msk tómatpúrra
2 ferskir tómatar
1 tsk þurrkuð basilíka, 4 blöð ef notuð er fersk
1 tsk  þurrkuð bergminta (oregano), 1 stöngull ef notuð er fersk
Aðferð:
Hvítlaukurinn skrældur og maukaður í matvinnsluvél  ásamt  öllu öðru hráefni.

saltfiskspizza

4.þáttur – Bláskeljaspasta
Hraefnismynd - kræklingur

Hráefni:
100 g skalotlaukur
4 hvítlauksrif
3 stórir vel þroskaðir tómatar
1 búnt fersk basilíka
2 tsk hreinn grænmetiskraftur
Pipar
350 g  pasta (má vera hvaða tegund sem er)
500 g kræklingur (bláskel)
50 g smjör
1½ dl mysa/hvítvín
Salt

Aðferð:
1. Saxið skalotlauk og hvítlauk og hitið í örlítilli olíu í potti.
2. Skerið tómat gróft  og bætið út í pottinn ásamt saxaðri  basilíku (helming af uppgefnu magni).
3. Bætið grænmetiskraftinum út í og piprið, látið malla í um mínútu við vægan hita.
4. Sjóðið pastað samkæmt leiðbeiningum á pakkanum.
5. Setið mysu/hvítvín í pott og bætið bláskel í pottinn, setjið lok á og látið vera á hitanum í nokkrar mínútur eða þar til skeljarnar hafa opnast.
6. Sigtið pastað þegar þegar það er soðið og hrærið smjöri, skornu í litla bita, saman við.
7. Hellið kræklingum yfir pastað ásamt tómatnum og blandið varlega saman.
8. Saxið afganginn af basilíkunni og stráið yfir.

kraiklingur

3.þáttur – Laxa tacos
Hraefnismynd -lax og taco

Hráefni:
1  laxaflak
Olía til steikingar
Salt og pipar
2 hvítlauksrif
Safi úr einni sítrónu
3 tómatar
1 lárpera (avocado)
8 taco skeljar
8 stilkar kóríander (má vera steinselja)
sýrður rjómi

Aðferð:
1. Skerið laxinn í bita.
2. Steikið laxinn í olíu á pönnu , saltið og piprið.
3. Skrælið hvítlaukinn og maukið, setjið yfir fiskinn ásamt sítrónusafanum.
4. Skerið tómata og lárperu í bita.
5. Setjið fiskinn, tómatana, lárperuna og sýrða rjómann í taco skeljarnar og stráið steinselju eða kóríander yfir.

Lax i taco

2.þáttur – Blálöngu borgari
Hraefnismynd -lönguborgarinn

Hráefni:
4 stk ciabatta brauð eða rúnnstykki
600 g blálanga
½ kúrbítur
Olía til steikingar
Salt og pipar
4 msk majónes
½ sítróna
8 salatblöð
8 basilíkublöð

Aðferð:
1. Skerið brauðið í tvennt og ristið á vel heitri grillpönnu (má eining vera á venjulegri pönnu).
2. Skerið blálönguna í sneiðar.
3. Skerið kúrbítinn í þunnar sneiðar eftir endilöngu.
4. Steikið hvorutveggja á sömu pönnunni í um 2 mín á hvorri hlið.
5. Smyrjið majónesi á brauðið og raðið salatblöðum á brauðbotninn.
6. Leggið kúrbítinn á salatblaðið og þar næst blálönguna.
7. Setjið basilíkublöðin ofan á og síðan hinn helminginn af brauðinu.

Blalonguhamborgari

1. þáttur – Ýsa í pítubrauði
hraefnismynd -pita

Hráefni:
1/2 kg ýsa
1 tsk sjávaréttakryddblanda  frá Pottagöldrum (t.d. Leyndarmál hafmeyjunnar)
3 msk heilhveiti, má nota hvítt hveiti, spelt eða blanda af öllu, hvað sem hentar best
Salt og pipar
4 Pítabrauð
4 stökk salatblöð (t.d. lambhagasalat, eikarblöð)
1-2 tómatar

Aðferð:
1. Skerið ýsuna í bita og stráið kryddblöndunni yfir.
2. Veltið fiskinum upp úr heilhveiti og steikið á pönnu.
3. Saltið og piprið.
4. Hitið pítubrauðin í ofni.
5.  Opnið brauðið vel og raðið inn eftir smekk , fisknum, grænmetinu og sósunni.

Jógúrtsósa með agúrku:
350 gr grískt jógúrt
Safi úr einni sítrónu
1 msk hunang
2 tsk dijon sinnep
1 agúrka
2 hvítlauksrif
Pipar

Aðferð:
1. Setjið jógúrtið í skál, bætið í sítrónusafa, hunangi og sinnepi og blandið vel saman.
2. Skerið agúrku í tvennt, hreinsið kjarnanm frá og rífið afganginn með grófu rifjárni út í jógúrtið.
3.Skrælið og maukið hvítlauksrifin og bætið saman við.
4. Piprið eftir smekk.

Ysa i pitubraudi

 

Categories
forsidumynd Uncategorized

Fiskur er ekki bara fiskur

Hafið er fullt af allskonar fiskum sem flestir eru ætir.

Myndin hér að ofan er af Gull karfa  sem er mikilvægur nytjafiskur við strendur Íslands.

Hér munu innan skamms koma upplýsingar um hinar ýmsu fiskitegundir sem fróðlegt er að lesa um.

Categories
Uncategorized

..ekki hika!